喜運點心專門店 (已結業)

石门站对出有一间专食点心嘅舖头，中式装修，木枱木凳，门口仲有个外卖快线，方便叫外卖。今日得闲就坐低慢慢叹茶，呢度就冇得拣饮咩茶，一律都系寿眉，茶钱每位$3，不过我就冇乜所谓嘅，食物选择方面都有几十款，除散叫点心，仲有孖宝套餐，可以蒸饭孖宝或者肠粉孖宝。今日就试咗个明炉叉烧滑肠粉拼喜运鲜虾饺，肠粉都系三条，叉烧馅料OK啦。至于虾饺，都系一笼四粒，啲虾都新鲜大只。怀旧糯米鸡（ $29 ）糯米鸡都好大旧，热辣辣蒸出嚟好正，里面有成只鸡翼，另外有叉烧、瘦肉、咸蛋黄等，都好味呀。蒜香鲜虾春卷（$28），呢个我觉得做得唔错好脆口唔会油，一碟四条，good!奶黄千层糕（$22），呢个相当特别，同我食开嘅千层糕好唔同，佢中间系奶黄质料同时又加咗有啲合桃之类嘅材料，应该属于甜品，但系又唔会太甜。点心似乎都系即叫即蒸，新鲜出炉当然好味，我觉得同酒楼质素有得挥！仲要唔洗加一！另外呢度有明火精选靓炖汤，写明不含味精，星期一至日每日有两款可选，今日系椰子粟米蜜枣鸡脚炖上肉或者土茯苓赤小豆薏米炖响螺，一盅$38 。我哋决定试晒两款，椰子汤比较清甜，粟米、鸡脚、瘦肉齐晒了。而另一款土茯苓炖汤，虽然个样黑孖孖，睇落好