名煌金閣

营业中

休息中

第一次黎这边食饭，经朋友介绍，一行四个人，叫咗四个菜：1.咸蛋金沙骨：脆浆上得啱啱好，唔会好油同好厚，隔咗一阵食仍然feel 到香脆，咸蛋啱啱好包住金沙骨，唔使太多，因为太多就会好油同有时会太咸 2. 古法陈皮蒸头腩：用料食得出好新鲜，鱼皮弹牙，有陈皮香味，连埋个蒸鱼豉油，即刻可以送几碗白饭 3. 鲍鱼鸡煲：一上枱，已经有个种酱香飘出嚟，鲍鱼食落口，好有口感，鸡亦有满满嘅酱香味，够晒惹味 4.鼓油皇海虾：海虾新鲜，泡油泡得香脆，加埋包惹味鼓油，想连壳食埋只虾。最后叫左四个生磨蛋白杏仁茶，好香杏仁味，饮落口好滑，唔会有好似出面食个d 会有d 粉状物体系碗到，甜度适中，加埋蛋白，又香又甜。四个小菜加甜品，已经好饱，人均消费大概$200，以咁嘅货素有系唔错，之后应该会再嚟想试吓佢个鱼米之香同杏汁白肺汤。