聚手工火鍋 (已結業)

打边炉真系冇分季节，我一年四季都中意，不过冬天天气冻就打得密少少咁解，庆幸一样野就系热气呀、燥呀我都顶得顺（笑），今次同堂妹就黎到聚手工火锅。店内格局比较暗，坐得都算舒服，又冇赶客嘅感觉，最好当然系有卡位坐啦！不过2条女又食得几多野吖，正所谓眼濶肚窄，叫得多食唔哂太浪费又节堕啊！首先选择困难嘅我要拣汤底，平时唔多食鱼，但有唔腥嘅鱼汤我一定捧场（系要唔腥嘅）。堂妹话100%唔会腥，好～我信你，就叫呢个梭椤鱼汤底，super奶白色，睇落非常浓郁，一饮。。妈啊！咁似阿嫲煲果啲嘅? 好好味，非常正，丁点腥都冇，入口好滑好浓，好似仲有少少大地鱼味道，加埋胡椒，点会腥吖，超好味 (*๓´╰╯`๓)♡ 饮左2碗先开始边炉。。哈哈记得有一篇又系讲边炉，果碟牛真系输哂，冇得比，呢晚嘅雪花肥牛，系真真正正嘅雪花肥牛，拿。。冇厄你，睇相就知油脂分布成点，肥度正合我心意，加上佢片到好薄，基本上放汤滚2秒就食得，正正因为咁薄，所以系会不停食但唔觉饱同漏，牛味浓，入口软滑细腻，正到冇朋友。肥牛做主打，但都要有其他野食吖，手打墨鱼滑坚系弹牙，入面嘅墨鱼粒粒令鱼滑好有咬口，松露饺反而唔觉得有咩特别，松露味唔多觉，入面