鼎家喜筷 (已結業)

今日收工，又喺荃湾海之恋揾饭食，上网睇介绍有一间鼎爷开嘅任食鸡煲店，人均$168可以任食鸡煲90分钟。鼎家喜筷另一个招牌系佢地嘅烧味，有火焰叉烧同埋火焰烧鹅髀都非常出色而且打卡一流，不过今日就冇食到，因为要留肚嚟食鸡煲！我地叫咗小辣，有店员计住时咁煮鸡煲，唔使惊佢未熟或者过熟，一开煲闻落劲香，单单个汁已经超惹味，鸡肉又嫩滑，的确比起坊间唔少鸡煲店出色，不过呢度嘅配料就要另外单点。我哋另外嗌咗牛丸、墨鱼丸同乌冬，价钱正常，特别想讲呢度嘅牛丸同墨鱼丸都非常弹牙好食，已叫鸡煲亦另外有送一个菜盘，份量唔少有菇粟米娃娃菜等，而每人加28又有花茶任饮，分别可以叫菊花或者洛神花茶🫡