幸運燒鵝冰室

营业中

休息中

今日下午茶帮衬左呢一间新开冇几耐嘅茶餐厅，估唔到食物质素比想像之中高。餐厅名讲明系烧鹅咁就梗系要试吓佢嘅烧鹅啦，下午茶餐可以拣烧鹅米粉，竟然会有烧鹅髀食，有惊喜。虽然浸咗汤，但系个烧鹅皮都够香脆，唯一缺憾系啲烧鹅肉比较肥，不过只系卖40几蚊绝对收货有余。另一个下午茶餐叫咗葡式猪扒包，可以拣配薯角或者沙律，我就拣咗薯角。佢个面包都好有诚意，真系用葡式餐厅𠮶种有少少干粉面嘅包，猪扒唔算大嚿唔算厚身不过胜在唔韧，味道都唔错。跟餐当然有嘢饮啦。唯一挑剔系地方比较窄。