迷客夏 (如心廣場二期)

营业中

休息中

去完荃湾行完海之恋商场后, 又到买甜品返屋企既时候, 由荃湾广场行过去海之恋好似只系见到迷客夏呢间饮品店, 其实系年几前我有饮过一次迷客夏好多食评推介既大甲芋头鲜奶, 但我觉得唔好饮, 芋头味道好淡, 同D鲜奶好似各有各生活咁, 唔夹。但无辨法, 我呢个甜品迷一日唔食过甜野唔舒服, 再加上经过佢地门口见到佢地有卖芒果优格㖞, 突然眼睛为之一亮, 决定再去帮衬。我一心以为芒果优格同我系我是酸奶君买到既芒芒果海一样, 将芒果汁加系D优格入面, 但我望真D个MENU, 多芒优格隔离写住多芒芝芝, 唔系好明, 所以就问店员咩意思。佢话系芒果沙冰加芝士或优格系上面, 即系好似奶盖咁。OH, 咁即系唔系我想要既𠮶种。咁我就要考虑一下究竟继续嗌优格好定要返传统芝士奶盖比较稳阵, 问题就黎喇, 当时只有我一个客人, 个店员静默咁望左我5秒, 目无表情有点不耐烦咁念住转身既时候, 我话: 咁我要一杯多芒优格吖。然后点知个店员同我讲: 我地无优格!吓, 早D讲声我就唔使念啦!个店员心地唔太好㖞!虽然服务态度唔好, 但杯多芒芝芝的确唔错, 芝士奶盖香浓顺滑, 芒果汁感觉新鲜无沟糖水, 无药水味。甜度刚好。