居素屋日本野菜料理

营业中

休息中

而家周围愈黎愈多素食，对我呢个素食怪黎讲好值得开心。今日就试下日本素食！入面环境几舒服，枱同枱都距离都远，倾计好好。佢set好menu，基本上得个面要拣。茶系绿茶，而且斟得几快手。第一样上左个八寸。讲真就无特别。唯一系胡麻豆腐既口感好腍，同平时硬豆腐质感好唔同。之后系北海道水果蕃茄，都系普通蕃茄味，不过切得靓啲。寿司四件。食完好失望。佢只系饭加茄子，饭加红椒同饭加个叶。唯一系豆纸花做得好精致，加分。本身以为会花多啲心思在酱汁等，令到佢有特色啲。反而炸物好出色。炸得唔油，又好香。我本身唔好炸野都得几好。汤同冬瓜汤包。汤包系单纯紫菜包住冬瓜。个汤反而有惊喜，有柚子味，几清新。烧物零惊喜。要左青柠冷素面，几Q弹，不错。不过不失甜品。整体黎讲唔算有惊喜，食过好多更好既素食店。以呢个食物，价钱都唔平呀。