紅館 (海堤街)

营业中

休息中

行过横街小巷见到有重庆麻辣薯粉，好吸引，餐厅细细间，但都有8至10张枱，唔算好逼夹，冷气足够，中午时候等咗一阵就有位。重庆水煮龙脷柳薯粉叫咗小辣等同BB辣，龙脷柳嘅份量好多，肉质唔松散，汤底好浓郁，有好多辣椒同洋葱，芝麻加上多葱嘅配搭好香口，薯粉吸晒汤底嘅味道。红油抄手10分推荐，BB辣，抄手大粒，馅料足，有好大只虾系里面，面头嘅芝麻好香口。脆皮锅烧上海汤面个腩肉好有惊喜，个皮好香脆，唔会好油腻，份量好多，每块都好厚身，烟烟银银。汤面软硬度适中，清汤汤底都唔错，喺唔辣嘅选择。