湘湘娘娘 (已結業)

我系一个嗜辣之人，但我嘅娘娘就唔食得太辣。而餐厅又有娘娘喜欢嘅上海菜同我喜欢嘅川菜，确系满足晒我地嘅口味。餐厅环境舒适，播住古色古香嘅伴乐，仲望到出面街景，十分适合两人聊天。娘娘炒饭听个名都冇得输，而且份量十足。炒饭配有虾仁、咸肉粒、葱花、蛋花、豆角。虽然材料算简单，不过炒饭调味适中，配料咸味鲜味都冇被遮盖，饭粒分明干爽，不枉系招牌炒饭。盐水鸭虽然未算十分嫩滑，但系唔会有腥臊味，而系带有清淡嘅咸味，亦唔会令人觉得肥腻同品尝到鸭嘅鲜味。小酥肉做紧优惠，十分抵食。肉条炸得酥脆，里面嘅肉好软嫩，配上辣椒片同粉嘅调味，令人忍唔住一件又一件咁放入口。整体麻香味同辣味适中，令口腔都充满麻辣感觉。