十大碗粥麵專家

营业中

休息中

中午12点几到，3位等左2分钟就有枱。佢原来重新布置过，近出菜位嘅座位变左长枱嘅单人座位bar，变相个通道阔落左，好过之前放细张2人枱好多第一碗到嘅系云吞河，原来依家会加埋虾籽，云吞依家放系底。河粉都几靓身，加埋个靓汤底同虾籽，好食稍后云吞面都到喇照旧有虾籽放面，底系云吞 。饮一啖汤头，浓香到不得了😆但汤头望落系劲清澈正！d面冇咩碱水味，好爽弹好香面味，又唔会吸汤，食到最后都劲好口感，食得好满足最后到嘅系猪手鱼片头捞面，两大件猪手睇样已经好正咁。佢唔系煮到软稔甩骨果只，而系Q弹好有咬口，南乳味啱啱好，🉐🉐🉐 p.s.枱面放左大大缸酸萝卜，依家爽脆够醒胃。记得三个月前黎帮衬过外卖，不过冇今次咁惊艳 果次仲要d肠粉厚到我成口粉，难食到一个点 今次见好多人嗌肠粉食，等我下次再试下先。