永發麵家 (已結業)

本人唔好牛杂，对于下述两位朋友的讲法不予评价。帮衬左佢好多年，算系熟客，点解今时今日先黎赞，皆因又系无良业主逼我出手。呢间小店唔起眼，舖面窄，光线岩岩好，骤眼睇有d up dup，未必有吸引力，唯一系平。唔系专业食家，唔识形容佢点好法。由食佢个镇店贵妃鸡开始，佢唔肥腻、皮爽、肉滑...到后来逐一发现，佢个碗水饺面独有芝麻香兼夹大量爽口木耳两粒寸长大虾仁牛腩（其实系牛坑腩）肥廋适中，软腍酥香...油菜渌得爽脆每次帮衬试下其它口味，都觉得野食做得好好。老板兼大厨要求认真严格，老板娘亲力亲为一路睇舖一路凑仔。好多熟客黎呢度睇电视饮啤酒, 气氛好融洽..向来唔会好似佢其他客咁口花花 侧闻佢地个业主狂加舖租（𠮶头d舖炒到周围大量食肆结左业！）跟老板娘倾下计，我话你地生意够唔够做，唔够我帮你地响开饭度赞下你地。佢讲佢地好多熟客，葵涌、屯门、青衣、元朗都会番黎买净牛腩、云吞、水饺、贵妃鸡。老板娘话，佢个汤底除左有大地鱼、猪骨之外，亦都落埋鸡，建议我有机会要朝早11点零黎食面，呢个系佢汤底最好味的时候。不过佢建议我米星期六、日朝早，因为d客唔洗番工就会贡黎，出面排哂队逼实！