海鮮島海鮮酒家

营业中

休息中

行完山终点起布袋澳路，反正嚟到布袋澳我又未嚟过入去布袋澳行下顺便揾食布袋澳保存住渔村嘅感觉，面积唔大入面有几间餐厅，因为只想轻食所以就拣左间有炒粉面嘅餐厅。嚟到都已经3点餐厅都要准备落场，所以好快咁点左野食。选择唔算多，求其点左个豉油皇炒面及咕噜肉。我地被安排坐在海边的位置，天气开始凉吹住海风真系chill。等左一阵第一碟拎到嚟嘅食物系咕噜肉，拎到嚟出晒烟热辣辣好有镬气；但食落口完全唔系𠮶回事，咕噜肉应该有嘅酸甜味佢系完全食唔到，炸得亦唔够脆，肉质够嫩滑，份量都多。之后嚟左个豉油王炒面，卖相好靓，味道ok但就好多油。因为都几大风啲食物好快吹到冻晒整体嚟讲起布袋澳食饭都系食个风味呢个低糖石榴汁好饮，系同罐装汽水一样价钱。