真味鮮廚

营业中

休息中

入去坐低先发现系海港集团旗下。不过侍应带咗去近门口𠮶几列间哂辧公室partition咁高、仲要最尾嘅边位卡座，私隐度够又减噪音，认真抵赞，所以成餐打边炉都食得轻轻松松唔驶左顾右盼：唔驶顾虑椅背有路人要郁凳就位；唔驶顾卢卡位背面另一卡位大力挨落背板嘅碰撞滋扰；亦唔驶慎防有小孩企上卡座伸头嚟连环同你哈啰几十次而你唔应佢有机会俾人放上网公审话你虾细路冇礼貌……因为块间隔板超高之余亦够实净。唯一系另一侧门，会间中有轮椅客进出而交换舖外股热气，且呢边空调亦未够威力。虽然坐到发配边疆，但侍应到时到候过嚟招呼，手脚俐落。打边边嚟讲有两粒半钟食，足够。另一意外系啲海鲜好挨得，即系好鱻。碟串虾嚟到俾竹签插住一般都死咗八九成，啲脚居然可以45分钟后都仲郁紧；沙白蚬又系放咗成个钟都伸啲肉出嚟啜碟底啲水氹。台湾鸭血系冇加麻辣，如要有呢个效果，建议出去大厅酱料吧，揾碗貌似南瓜蓉嘅酱，实则系海南岛特产嘅黄灯笼椒酱，俾平时血红嘅辣椒酱更辣到呕……我就系一时中伏，以为系温和嘅南瓜蓉，结果点少少都辣到飞起！成粒话梅皱忟忟咁款嘅鱼腐估唔到几好食，烚耐咗继续皱皮但冇淡味。