拉麵台風 (已搬遷) 新店位置

无谂过系一个唔起眼既地方，有间甘特色既拉面店。我叫左一碗鱼介猪骨拉面，佢地既汤底水准好高，有好重既骨胶原质感，味浓而富层次，以一个普通人如我，都知道汤头用左好多唔同种类既材料混和而成，就算未将碗内的鱼介粉捞混，都食到汤内既鱼味，值得一提系佢地配料之一既笋，都系预先经胡椒腌制过，所以零舍惹味，而佢地既叉烧，都系选取偏瘦部分，所以食呢碗面黎讲，一d都唔觉油腻，而美中不足既地方，就系面太硬，对喜欢有嚼头的人会系福音，但我面条一放入嘴，即时觉得系师傅搞错我张单，做错左碗硬拉面俾我，点知呢碗已经系按我既要求而做既软拉面，所以我食得好慢，因此，碗面由最初上枱时既温度，加上强冷气环境底下渐渐降温，汤一冻，汤会变得更咸，令整个食面过程变得未如开初时美好，而且配菜种类偏少，个人觉得如有少量芽菜和木耳会更好。总括来说，它是碗有灵魂的拉面，但同时，也是碗有性格既拉面。