韓屋

营业中

休息中

行尖沙咀攰攰地，无意中见到一间少女风霓虹灯韩国餐厅，食韩式煎饺子、汤类及拌饭等等嘅菜式。去韩国留学过嘅我，特别挂住当地嘅雪浓汤，一嚟价钱便宜，二来叫汤都会附送饭或者面，而韩国嘅红米饭真系好好食，咁样就已经足以我食饱一餐。今次叫咗蟹膏煎饺子，饺子煎得好香，加埋香甜嘅芝麻豉油，特别开胃。饺子嘅份量都有成六只，都算系抵食。另外就系叫咗两款汤类，牛膝汤好香浓，有少少牛嘅骚味，但系钟意食牛嘅朋友就会好喜欢，加上菜单讲明牛膝对女性特别好，可以形补形，几啱我成日企喺度工作嘅男朋友，而牛膝咬上去好有骨胶原。仲有叫左个猪肉汤，猪肉好嫩滑嘅歌，成碗汤入边都好多猪肉及韭菜，我自己个人嘅喜欢依款汤多个牛膝锅嘅味道。另外两款伴菜系免费嘅，个咸虾仔超级咸，店员建议我放喺汤入面搅匀，我就觉得送饭会比较好啦。