影片
更多
2023-11-14
444 浏览
好朋友准备去日本工作，临走前好想同佢食饭，就拣咗旺角 Amplifier，钟意佢地方大，卡位坐得舒服，好啱倾偈，今晚全部店员都好nice，佢地好young 好亲切，我 friend 赞我识得拣地方。不作他想，2人餐($988)慢慢食慢慢倾。🦪新鲜生蚝南非生蚝都几大只，creamy 而且爽脆，好新鲜嘅感觉，同平时法国或者爱尔兰个啲唔同，唔系海水味个种，呢款比较清甜。🍈🐖巴马火腿配蜜瓜大大块Parma Ham简直系刺激你嘅食欲，咸香味嘅火腿配番清甜嘅蜜瓜恰到好处，食到呢度个胃口全开。🍄香烤大啡菇酿蒜香牛油田螺离远已经闻到烤大啡菇嘅味道，上枱简直可以用浓郁香气嚟形容，每人有5-6粒田螺，真系好满足。🥘蟹肉龙虾浓汤蟹肉龙虾浓汤饮得出由真正龙虾熬煮，有高级餐厅水准，仲有少少蟹肉带黎不同口感。真正嘅龙虾浓汤，超水准！属于高级餐厅出品，而且蟹肉带嚟多层次嘅口感。🦞原只法式龙虾米多 (+$50)第一次食呢款法式焗龙虾，上网research 话系用芝士、辣椒粉同白酒做成酱汁，再靠鸡蛋增加浓厚口感，然后盖在龙虾上面焗，怪唔之得食落个味道咁丰富，以后可以介绍俾friend，充满特色又有新鲜感。🥖🥩慢煮美国威
好朋友准备去日本工作，临走前好想同佢食饭，就拣咗旺角 Amplifier，钟意佢地方大，卡位坐得舒服，好啱倾偈，今晚全部店员都好nice，佢地好young 好亲切，我 friend 赞我识得拣地方。不作他想，2人餐($988)慢慢食慢慢倾。
🦪新鲜生蚝
南非生蚝都几大只，creamy 而且爽脆，好新鲜嘅感觉，同平时法国或者爱尔兰个啲唔同，唔系海水味个种，呢款比较清甜。
🍈🐖巴马火腿配蜜瓜
大大块Parma Ham简直系刺激你嘅食欲，咸香味嘅火腿配番清甜嘅蜜瓜恰到好处，食到呢度个胃口全开。
🍄香烤大啡菇酿蒜香牛油田螺
离远已经闻到烤大啡菇嘅味道，上枱简直可以用浓郁香气嚟形容，每人有5-6粒田螺，真系好满足。
🥘蟹肉龙虾浓汤
蟹肉龙虾浓汤饮得出由真正龙虾熬煮，有高级餐厅水准，仲有少少蟹肉带黎不同口感。真正嘅龙虾浓汤，超水准！属于高级餐厅出品，而且蟹肉带嚟多层次嘅口感。
🦞原只法式龙虾米多 (+$50)
第一次食呢款法式焗龙虾，上网research 话系用芝士、辣椒粉同白酒做成酱汁，再靠鸡蛋增加浓厚口感，然后盖在龙虾上面焗，怪唔之得食落个味道咁丰富，以后可以介绍俾friend，充满特色又有新鲜感。
🥖🥩慢煮美国威灵顿牛柳
本应已经几饱，但系个威灵顿一上枱实在太吸引，用刀切落去仲”索索”声，个酥皮脆脆，食落个肝酱同牛柳好夹，柔软嘅嫩肉，不知不觉咁大块都食晒。
🥧芒果拿破仑 (+$30)
睇得出厨师好有心机，摆碟好靓，识落个酥皮好脆，可能厨房系即时整嘅，最钟意佢芒果多custard又多，甜品系要咁样至好味。
听到后面张枱庆祝🎂生日🎂，又蛋糕又蜡烛，气氛好好，餐厅播𠮶首生日歌系Remix版本，好得意。 后尾发现，原来佢哋weekend系有现场 live band, 餐厅都几注重音乐呢一方面。
张贴
