函館元祖北海道拉麵 (已結業)

因为用app订枱有半价优惠，网上食评又唔错，所以去试下，点知都系中伏。盐烧牛舌：真系搞唔掂，先唔好讲好唔好味，我未食过咁un既牛舌，真系咬唔开，焗住要成旧放入口咀嚼先吞到，真系好差，因为就算出去食放题，再cheap既放题，啲牛舌都唔会un到咁。至于味道，已经un到都唔记得了，而且盐烧个味本身好难整得好难食，系烧既时候要啲技巧吧~味噌牛油拉面：睇到人地啲食评讲到几好食，咩啲牛油同个汤溶埋一齐，成个汤好浓郁，令我好期待。点知完全唔系果回事，真系比左一旧牛油，但牛油味唔香浓，就算将佢同汤溶埋一齐，都唔够浓，甚至有啲淡口。但拉面既其中一个吸引人既地方唔系就系要个汤够香浓咩，所以真系令我有啲失望。猪骨拉面：男朋友叫既，我试过个汤，比我果个浓味，尚可。不过食到一半发现条黑色长发，真心好恶心。无论一间餐厅几好食，都唔应该犯哩种低级错误，仲要果个时候得我地两个客，断估唔会忙中有错吧，仲要系日本餐厅，更何况啲野食咁既质素....楼面个叔叔几好人，服务态唔错，可惜食物水准同卫生欠佳，厨房啲员工应该要再培训下。