阿元來了 (已搬遷) 新店位置

今时今日嘅西营盘已经唔同哂，特色小店林立，嘢食选择越来越多，有好多地道小食店都选址西营盘，识食嘅都黎揾食。阿元来了西营盘，开咗间以台湾街头小食为题嘅食店。店内空间虽然唔多，但陈设咗好多有台湾特色嘅摆设装饰，可见店主花左唔少心机令顾客感受台风。此外，开放式厨房造到似足街头小食摊档咁，风味十足。肉燥饭 - 似样，个饭嘅size比台湾嘅大，入口有黏糯，肥肉粒偏大粒，入口溶化，可惜味道偏淡，应该要再油润啲，再胶啲，再浓味啲。蚵仔煎 - 蚵仔肥美但量很少。味道偏淡，除咗食到个甜辣酱嘅味，就冇咩其他味道。盐酥鸡 - 盐酥皮唔够厚，腌料唔够, 又冇脆粒响面，唔够味，啲鸡唔入味。四神汤 - 饮落好香当归味，大肠都好稔，好干净，味道都ok算足料。其他嘢食就偏淡，呢个就过咸。香菇肉羮米粉 - 好好菇味，个汁有啲'浆糊'，不过啲人话地道系咁嘅㖞。味道一般，偏淡。卤味 - 有台式卤料味，冇台式卤味浓。老实讲有啲失望，可能因为之前经过好想食，但系闩咗，望落又好似好地道，谂住会好有风味，结果有多少落差。风味系有嘅，做法系正宗，卖相亦地道, 但系味始终冇台湾嘅重口味，而且总体味道仍有改善空间。