丸·茶手作 (已結業)

台式饮品近年真系越嚟越受欢迎，各种唔同嘅台式饮品店开到成巷成市，要吸引客人真系需要唔同嘅特色，今日经过佐敦嘅"丸。茶手作"，见到佢哋以全球首创嘅桂花珍珠做卖点，心郁郁就想试下。就系因为呢个牌标榜"全球首创桂花珍珠"，吸引到我嚟买番杯。收银处放咗各种唔同嘅珍珠，每款嘅颜色同味道都唔同，真系想每款都试下。最后我地拣咗桂花珍珠奶茶及热嘅抹茶拿铁。珍珠奶茶茶味香浓，桂花珍珠口感比一般珍珠烟韧，入口有淡淡嘅桂花味，为珍珠奶茶带黎一种清新感觉。抹茶拿铁绿茶味香浓，牛奶嫩滑，趁住今日天寒地冻，饮番杯真系暖意十足。下次有机会真系要试埋其他口味嘅珍珠呀。