叁不館

营业中

休息中

身为打边炉达人嘅我今日又出动去揾食今日拣呢家都几特别，佢系位于大厦嘅楼上，对我嚟讲，佢好似系一块收埋咗喺深山嘅明珠，系一间楼上奇店一入到去帮我装修几吸引，因为自己本身几钟意香港嘅文化，佢一边播住一啲旧时嘅流行曲，一边好似茶餐厅文化咁围住食边炉，好有风味。D人话打边炉酱料系个灵魂，呢一点绝对冇讲错。呢一间边炉店嘅酱料十分之丰富，其中听老板讲个葱油同埋沙嗲酱系自己整嘅，食落亦十分惹味！食材方面，我哋拣咗好多𩠌，其中最惊艳嘅系手切肥牛，真系好好食，好有牛味同油脂感其次系手打丸类拼盘，食材用料好新鲜，每一粒都系新鲜肉打出嚟，食落同平时街市买嘅急冻肉丸完全唔同，真系返唔到转头。有一个食材系打边炉入边冇咁常出现，就系猪颈肉。呢一度竟然有提供，同埋质素唔错，烚完之后几有赵口同猪味因为食得好开心，我哋仲叫咗海鲜，有鲍鱼同虾，鲍鱼好新鲜，我地烚耐左多都唔会好韧。