影片
更多
2022-06-02
504 浏览
今日朋友带咗我去呢度食饭，推介性价比高又好食～估唔到小店都有惊喜，而且服务员态度亦都好好👍（谢谢一位好好嘅男仔哥哥，细心态度服务又好）煎带子配哈密瓜苹果沙律.胡麻酱：带子煎得香口，沾满胡麻酱嘅沙律菜上面铺咗一层哈密瓜苹果粒，几清新～☘️如果带子可以再生少少会更好～温泉蛋配黑松露卡邦尼意粉：呢个好食，个汁好香浓，朋友食素所以走咗烟肉，虽然冇肉但系味道依然好味，意粉烟靭度啱啱好😋香煎比目鱼伴龙虾汁杂菜：比目鱼皮脆肉嫩滑，龙虾汁鲜味，仲有好多杂菜伴食，唔错～果汁如果再咸返少少更好～炸番薯条：叫咗呢个用嚟送酒，配上黑松露蛋黄酱，好香口送酒一流😋白酒叫咗两杯Riesling，正正常常易入口嘅味道～总括呢度性价比真系好高，下次要你试埋佢其他出名嘅主食先得～😍
煎带子配哈密瓜苹果沙律.胡麻酱：带子煎得香口，沾满胡麻酱嘅沙律菜上面铺咗一层哈密瓜苹果粒，几清新～☘️如果带子可以再生少少会更好～
温泉蛋配黑松露卡邦尼意粉：呢个好食，个汁好香浓，朋友食素所以走咗烟肉，虽然冇肉但系味道依然好味，意粉烟靭度啱啱好😋
香煎比目鱼伴龙虾汁杂菜：比目鱼皮脆肉嫩滑，龙虾汁鲜味，仲有好多杂菜伴食，唔错～果汁如果再咸返少少更好～
炸番薯条：叫咗呢个用嚟送酒，配上黑松露蛋黄酱，好香口送酒一流😋
白酒叫咗两杯Riesling，正正常常易入口嘅味道～
总括呢度性价比真系好高，下次要你试埋佢其他出名嘅主食先得～😍
张贴
