悅滿軒

法国泥蟹🦀汤泥蟹汤都真系比较少见。首先扑鼻而来嘅系浓郁嘅蟹香味 质地好杰唔会水了了。原来系加入左白兰地忌廉 但唔会饮到白兰地嘅酒味 反而呷到忌廉香滑嘅口感，另外都会有阵阵洋葱嘅甜味🧅美国牛腹肉🐮他他配蒜蓉包 他他唔似韩式嘅单单生牛肉条，而系上等生牛腹肉混合新鲜葱、干葱、水瓜柳同埋经过调味嘅辣番茄，顶顶再加只鹌鹑蛋。好欣赏佢鹌鹑蛋连壳就唔怕上菜时穿左，搅匀后食到生牛腹肉软稔弹弹嘅口感加上生蛋变得更滑溜🥚意大利粉配薄切西班牙红虾🦐 番茄蟹肉红虾汁。意粉弹牙经过番茄酱调味配上开心果碎更有咬口