點心到 (廟街)

营业中

休息中

最后冲刺去剪头发，同为c出口既呢间点心店系发型师推荐，估唔到又几抵食！舖头位于庙街，附近好多餐厅好易揾餐厅装修都好骨子点心种类都好多，仲有一d系皇牌点心我地叫左6样野，2个人食都好够饱，埋单唔使$150，抵食！ 点心大概十分钟就上台啦！都算好快先后糯米鸡，一个大概有手掌心✋🏼咁大，好香荷叶味，入面既馅都好足料，有肉碎、鸡件、冬菇、叉烧等，味道有别于其他餐厅，因为佢唔系好咸，淡淡既蚝油味。朋友好钟意食虾饺，我地叫左4件装$30，虾饺中型size, 入面包住三只虾，皮薄烟un, 虾又爽口弹牙！同埋佢唔会夹住好多猪肉，岩晒鲜虾fans. 再来系黑金流沙包，欣赏佢既内馅唔会过份地爆出黎，唔会食到好狼狈。奶黄浆都系咸咸甜甜咁，三两下食晒三个。呢个注明系原粒鲜虾既烧卖都好足料好有份量。食得出佢入面既肥猪肉唔多，好实在，而且无乜味精加料，清新。牛肉球都好弹牙，而入面既芫茜系超级新鲜，食落去系爽口既。最后既系混酱肠粉，店员好贴心咁将豉油另上，唔会搞到水浸肠粉。肠粉系好软林林，但又好有弹性，师傅好功夫。 配上甜酱麻酱，真系一流。喜欢点心既你，一定要试下呢间，价钱同质素都好高啊。