第三站

朋友升职谂住食餐好啲嘅，佢又钟意玩board game，之前都有见过呢间，今次book到位，咁就一于试一试！一去到都好快安排到位比我哋。座位非常阔落，坐得都几舒服。枱櫈、餐具都算干净，仲有独立包装湿纸巾，呢啲细心位都几加分👍🏻之后点餐，我哋叫咗一份烟三文鱼野菌忌廉烩阔条面，一份西班牙烟鸭胸烩饭，加钱叫咗一杯oero奶昔同薄荷朱古力，仲有碟松露薯条。烟三文鱼阔条面忌廉汁唔会过稀，唔会太”漏”。烟三文鱼又唔会太咸，成碟份量又多，同朋友都觉得几好味！至于烩饭都唔差，鸭胸肉切细粒易入口。本身都惊西班牙饭会唔会好硬，但佢硬度适中，d鸭胸肉又好淋，食落唔会咬得好辛苦。两杯饮品都系食cafe成日会叫，唔会太甜，份量都啱啱好，都系补几蚊到十几蚊，算系唔错。最后美中不足嘅系松露薯条慢咗啲上菜，不过上台嘅时候热辣辣啱啱炸好，外脆内软，松露味唔算太浓，胜在份量好多食到好饱！整体嚟讲cp值几高，环境算静，大家都唔会玩到好嘈。员工服务态度好，一禁钟就好快有人嚟。而且最正系仲有唔同款嘅board game玩，食饱仲可以玩阵先走。可惜两个人唔系玩到好多game，下次可以再约多几个fd嚟又食又玩！