Cabin Crew Coffee by Holly Brown (已結業)

依间空中服务员（Cabin Crew) 餐厅听就听咗好耐，今日终于有机会试吓！其实去之前冇太大期望，纯粹系想影相打卡！谂住呢类型餐厅通常都系玩噱头，食物质素一般，点知又有惊喜。见到佢餐牌上面啲嘢食唔算太贵，叫咗一个set dinner（带子忌廉菠菜意大利粉）加一个甜品（抹茶红豆丹麦多士）。 虽然望落去份量唔算太大，但可能个sauce 太creamy, 食完个意粉真系有啲饱。意粉味道唔错，口感亦刚好。跟餐仲有个lemon cheesecake, 依个就比较逊色，无柠檬味亦无芝士味。最后叫咗杯Camomile tea, 个茶包好大，茶叶都好香，可惜只杯太细，饮两啖就冇，浪费咗咁靓嘅茶。如果佢收贵啲，但系一壶上，咁就好好多。最后叫咗个抹茶红豆丹麦多士，抹茶味好浓好香，红豆用十胜红豆，所以好够味，丹麦多士亦唔会太干太硬，恰到好处。所以今餐真系有惊喜。另外，餐厅侍应服务好有礼貌（唔知之前系咪真系做空姐㗎呢？），水准一流。