金福茶餐廳 (已結業)

今日食晏，喺湾仔突然之间好想食一啲好有镬气嘅茶餐厅炒粉面，行行下就经过金福，所以就入咗去食。我点左沙嗲牛肉炒乌冬，再加一杯茶走。望落去个样，就唔似有沙嗲，不过食落口有惊喜，有好重嘅沙嗲味！用晒啲去炒乌冬，每一条乌冬都沾到沙爹嘅嘅微辣同咸味，真系好惹味。牛肉嘅份量又多，唔系就咁开个罐头沙嗲牛肉再炒乌冬，而系切片牛肉加沙嗲汁咁整。好味道！至于杯茶走，我觉得就甜度适中，因为炼奶嘅甜味冇盖到茶嘅苦涩味。整体来讲，虽然茶餐厅唔算好大，坐位都比较迫啲，但系今次嘅午餐系有惊喜嘅！