幕多

营业中

休息中

朋友极力推荐呢间虾拉面店，而且我地又系海鲜爱好者，于是星期五晚上就嚟到试一试佢。去到已经见到大概十个人左右排紧队，不过都只系等左大概20分钟左右就可以入座，排队嘅时候店员已经比餐单我地点菜，所以入座之后大概5分钟已经有得食，可惜是日精选同蛋已经卖完。面款方面佢可以拣刀削面或者拉面，同朋友各点左一款，个人比较喜欢刀削面因为比较挂汁同埋口感好烟韧，汤底浓郁而且加左樱花虾，食落更加香口，每个拉面都会配有三只虾，虾肉非常结实而且已经去壳，啖啖肉非常满足，再另外追加左1份蚝，好大只而且完全唔腥，极力推荐。