Amplifier Restaurant (花園街) (已結業)

今日同FD食团年饭，当然要食得豪D，一早book咗哩间餐厅。晚市提供二人套餐，提供前菜沙律主菜甜品等，相当丰富。冻柠茶同冻咖啡，套餐搭配，柠檬茶底好香，两杯都唔会好甜。白酒忌廉青口，会搭配埋法棍薄片一齐食。用白酒忌廉汁烹饪青口，青口食落更加鲜甜。巴马火腿配蜜瓜，火腿摆得好似一朵花。火腿咸香烟熏味浓郁，和清甜蜜瓜好夹。蒜香牛油田螺酥皮盒，田螺用秘制酱料焗烤，食落酱香味十足。酥皮盒子整得好出色，牛油味好重好松软。蟹肉龙虾浓汤，汤饮落好浓郁好creamy，少少蟹肉龙虾肉碎丰富咗口感。香煎日本帆立贝番茄酱义大利面，用日本刺身级带子煎制，带子肉清甜裙边弹牙。意粉偏硬身果款，每一啖意粉裹晒番茄酱，好惹味。慢煮美国威灵顿牛柳，哩个真系做得好出色。外层酥皮金黄香脆，内里牛肉仲好juice，中层蘑菇酱好鲜香，一啖食到三种唔同风味同口感，好like。仲会搭配一件焗烤蒜头，搭配埋牛肉一齐食，又系另一种风味。是日甜点，今日甜点系奥利奥蛋糕，食落好重牛奶味同埋好幼滑，唔会好甜。