築間酸菜魚

今晚系铜锣湾想食酸菜鱼，揾倒哩间台式嘅酸菜鱼，好似几得意，就决定试下。一入餐厅就已经对环境相当满意，坐位同通道都相当阔落，坐近窗边视野开扬，几舒服。哩度除左主打嘅酸菜鱼之外，仲有几款特色嘅鱼，虽然得2个人，但真系好多野想试，最后我地除左酸菜鱼，仲叫左个海派虾汤鱼，主打汤底用虾煮足3个钟，仲叫左2个小食，2杯野饮同一个甜品。首先讲返主打嘅酸菜鱼，鱼片唔少，味道同食开嘅酸菜鱼有少少分别，唔会过浓，好易入口，个汤唔油，有啲想饮埋🤣好多酸菜，好好食然后个虾汤鱼相当有惊喜，食得出个汤真系煮左3个钟，好似食紧虾汤拉面，同鱼片出奇地夹，仲有青口，虾，蚬，帆立贝，好鲜，又唔小心饮左啲汤。2个小食都好出色，甜不辣好好食，一啲都唔油，份量亦相当多，而鱼下巴就炸得好干身，有啲位连骨都可以食埋。而2杯饮品都唔错，白桃沙瓦同蜂蜜柠檬水都好饮，相当清新好适合解腻。最后已经好饱，但又好想食甜品，所以叫左一碗红豆仙草，有台湾嘅味道呀🤣哩度原来仲有lunch set，下次放lunch可以再嚟！