海膽仔

营业中

休息中

附近啲餐厅大部份已经闩左，餐厅门面灯光明亮，好易揾到。一入餐厅感觉好似入左日本居酒屋，睇落细细间，原来有两层，唔算好少位。餐厅唔算好大，但好多食物选择，有一大个生蚝柜，好多酒，menu选择都好多。海胆三色丼 $138三色分别系指海胆、吞拿鱼蓉同三文鱼籽，一开始睇想见到好大碗惊食唔晒，好彩最后都食得晒无浪费食物。海胆颜色鲜艳，望落好新鲜，以平价就食到咁多海胆绝对超值。松叶蟹双重丼 $128尼个丼饭唔止双重，似四重多啲，有大量蟹肉、蟹膏、蟹棒，仲有啲蟹籽，份量够捞晒成完饭，啖啖都食到蟹肉好满足😋三文鱼腩寿司 $16平平地就食到三文鱼腩寿司，好抵食带子吞海胆 $98带子超大粒😮，一夹起海胆就跌出黎，建议用匙羹食，口感爽甜，同海胆一齐食几夹。油甘鱼腩 $68虽然系鱼腩位，但唔会太过肥腻。