籽泰 (已結業)

又到晚饭时间，又唔知食乜好，之后就梗系想OpenRice睇吓啦，点知就比我发现到呢一间新开嘅泰国菜，之后就即管过去试吓！我同屋企人一入到去，估计迎接我哋嘅就系呢间舖头嘅老板，热情嘅款待，之后仲细心介绍佢哋嘅新菜式，之后亦都为我哋准备四杯热水，其他员工服务亦都好好。今次我哋就点左泰式星米，味道唔错，之后叫咗一个沙律腌西施柚，呢个酸酸甜甜仲有啲樱花虾喺上边，真系好开胃，跟住我哋就嗌左冬阴功虾汤，呢个味道非常之浓郁，好好味，非常之多嘅冬阴功配菜材料，十分之惹味！之后我哋仲有一味𩠌六只泰式鸡翼，啲鸡外脆内软，加上酸甜辣酱，10分好味😋！之后我哋叫咗一个老板介绍嘅一条蒸鱼，配上酸甜汤底，再加上有一个特别嘅绿色酱汁，酸酸辣辣咁样，又系一种食完想再食嘅感觉！由于呢条鱼系用一个类似铁嘅器皿装住，所以员工都细心同我哋讲如果真系要移动器皿，就叫佢哋帮手，因为佢话惊我哋会整亲，十分之体贴细心！呢间餐厅实在有惊喜，祝呢间餐厅客似云来！满分的泰国菜！