慢煮工業 (已結業)

今日嚟到太子揾食，见到呢间西餐厅装修几有趣，所以入去试一试，餐厅喺2楼，楼梯挂咗一幅画，睇到人觉得好怕羞，哈哈！餐厅环境舒适，墙上挂有霓虹灯扭成的英文字母及图案，十分有趣。坐位宽阔，枱与枱之间有适当嘅距离，可以俾人倾吓计，讲下俏俏话，餐厅播放著轻松的音乐，系聚餐聊天的好地方。美式烤猪仔骨，78蚊，有四条，猪仔骨十分嫩滑入味。看见餐牌上特别推介威灵顿牛柳，加上特价188蚊，所以就试一试，提提大家，威灵顿牛柳是需要预订的。牛柳上枱的时候真系好惊喜，点解睇唔到旧牛柳，原来牛柳比一层酥皮包住左，入边仲有切碎左嘅蘑菇，牛柳牛味浓，煎得刚刚好，有肉汁，嫩滑，好特别，好好食。特别一提，餐厅内所用的餐具十分有趣，系一把迷你版大菜刀，配上云石碟，so cute。