R&Y's International Cuisine @Freshlane (樂基商業中心) (已結業)

经过西营盘又差唔多到食饭时间，即刻上网睇下有啲咩外卖好食，然后就俾我揾到呢间外卖专门店啦，睇相感觉好吸引同丰富咁😊 试左两个佢地的家族秘制星洲沙嗲系列便当🍱便当入面好丰富亦都好营养均衡，有肉有菜有饭，份量超级足，劲抵食，我一个人都唔系好食得晒一盒便当呀！每盒便当都会有4串串烧连沙嗲汁，沙律🥗同埋炒饭😍 沙律方面好清爽，系甜甜酸酸的酱汁，非常清新开胃，入面会有沙律菜，木瓜同埋车厘茄等等☺️炒饭系劲干爽，炒到粒粒分明，唔会痴埋一旧，睇得出有花足心机做准备功夫，觉可以炒到咁样的炒饭，因为便当配炒饭，唔会净系食白饭咁闷同冇味，不过佢地有配埋一格仔沙嗲汁，佢地的沙嗲汁劲好食同香浓，应该用黎捞白饭都好好食😋星加坡牛肉沙嗲便当 $98牛肉串烧系便当入面有4串，绝对够食，返到屋企冇特别去加热啲串烧，唔配沙嗲汁都劲好食，香浓惹味呀！星加坡西班牙黑毛猪沙嗲便当 $98佢地的猪唔系用普通的猪肉， 佢地用左西班牙黑毛猪去整串烧，猪味劲浓郁！😍食的时候食到佢地唔系净系用瘦肉，仲会有啲肥猪肉系入面，令到个串烧有啲油脂香同埋唔会好干身，肥瘦均衡呀😎R&Y's International Cuisine Freshla