影片
更多
2013-11-04
123 浏览
加班加到9点几，收工经过呢度正好冇人排队，平时呢度都会有条小人龙，今晚正好趁机一试。店子细细，店内只有十余个座位，所有座位都系吧枱位置。厨房亦系开放式，可以清楚烹调过程，充满日式风格。吧枱顶部有Tempo纸巾提供，服务贴心。但对于我呢啲唔太高嘅人嚟讲就高咗啲。店内有介绍汤底秘密，表明汤底以猪骨及纯水经长时间熬制而成，并无用味精及奶类制品，强调真材实料。亦有师傅推介食法给食客参考，食客可好好运用枱上嘅调味品。拉面只有两款汤底选择，猪骨同期间限定嘅虾味噌豚骨汤；另有饺子及虾沙律作小食。大部份食客都order面配小食及汽水嘅set。Order后，好快有得食。师傅会将食物放喺吧枱上让食客自取。拉面卖相十分吸引，淡橙红色嘅汤底上布满樱花虾，第一次见咁嘅配搭，感觉新鲜。另有叉烧、溏心蛋、粟米、葱及紫菜作配料。汤底浓郁惹味，充满阵阵虾嘅鲜味，唔知系咪因为太肚饿，觉得个汤非常美味，真系想饮哂啲汤。叉烧有两块，较薄身，冇特别调味，可以食到肉本身嘅味道。溏心蛋亦出色，蛋黄半凝固且慢慢流出，微微嘅咸味中带点甜。粟米清甜，虽然浸喺汤一段时间，依然爽脆。面系我最钟意嘅直身幼面，正可以沾住较多汤汁，美中不足系面偏
店子细细，店内只有十余个座位，所有座位都系吧枱位置。厨房亦系开放式，可以清楚烹调过程，充满日式风格。
吧枱顶部有Tempo纸巾提供，服务贴心。但对于我呢啲唔太高嘅人嚟讲就高咗啲。
店内有介绍汤底秘密，表明汤底以猪骨及纯水经长时间熬制而成，并无用味精及奶类制品，强调真材实料。亦有师傅推介食法给食客参考，食客可好好运用枱上嘅调味品。拉面只有两款汤底选择，猪骨同期间限定嘅虾味噌豚骨汤；另有饺子及虾沙律作小食。大部份食客都order面配小食及汽水嘅set。
Order后，好快有得食。师傅会将食物放喺吧枱上让食客自取。拉面卖相十分吸引，淡橙红色嘅汤底上布满樱花虾，第一次见咁嘅配搭，感觉新鲜。另有叉烧、溏心蛋、粟米、葱及紫菜作配料。
汤底浓郁惹味，充满阵阵虾嘅鲜味，唔知系咪因为太肚饿，觉得个汤非常美味，真系想饮哂啲汤。叉烧有两块，较薄身，冇特别调味，可以食到肉本身嘅味道。
溏心蛋亦出色，蛋黄半凝固且慢慢流出，微微嘅咸味中带点甜。
粟米清甜，虽然浸喺汤一段时间，依然爽脆。
面系我最钟意嘅直身幼面，正可以沾住较多汤汁，美中不足系面偏淋身，少咗啲质感。
饺子卖相麻麻，煎得太黑；皮薄但唔够脆。
冇谂过呢间拉面系咁出色，以汤底嚟讲，我觉得比豚王更令人回味。浓得嚟唔太溜，更合香港人嘅口味。下次即管试埋豚骨汤，以作更公平嘅比较。
张贴
