十下火鍋

天气咁冻最好打边炉。今次朋友揾左呢间系铜锣湾上楼的火锅店，其实好耐之前我地已经好想试，不过个次无订位所以无台。今次好彩朋友一早订左，去到个时其实都全店满座。佢地请左好多企台，所以服务效率都几高，上菜同收野都好快手。食物方面质素好好，尤其是炸响铃同紫菜响铃，非常好食。另外我地叫左一碟手切肥牛都好新鲜。汤底我地就拣左花胶鸡汤，入面都有好大旧花胶。最后六个人埋单大概四百一个，铜锣湾黎讲质素同价钱都尚算合比例。