BAKE Cheese Tart (已搬遷) 新店位置

早前食过城中另一有名半熟芝士挞，以为大家都应该系差唔多水平，点知食完呢个之后，发现原来系两种完全唔同既路线！今次托别人既鸿福，试到一个室温下既芝士挞。听讲平日下午都排左一个钟先买到。其实挞就整左系度，好似唔多够人手入盒去疏散人龙，有机会系一种 marketing 手段… 但点都好，每次行过人龙几长都有人排。Bake 既芝士挞卖相得意，中间芝士少少涨起左好似日式年糕咁，挞边较厚。一咬，哗！挞边香脆，而芝士味道丰富又有层次。三种来自北海道同法国既芝士，直接冲击我既味蕾，原以为简扑既芝士味分裂出唔同感觉，少少咸味带住微酸既食后感觉，加上回甘既芝士香实在令人欲拒还迎，口水自然地加强分泌，另人想一试再试。食完口中唔会觉得腻，而且芝士味仲徘徊左一阵子。Bake Cheese Tart 亦都贴心地准备好一张卡，教大家可以用咩唔同既方法品尝佢地既芝士挞。