Cafe Joo

营业中

休息中

黎呢度食lunch set，叫左一个牛油果芝士韩式炒野菌汉堡同韩式酱炒野菌糙米意大利饭。汉堡 $118卖相十分靓，够大份好足料，仲有条天妇罗青辣椒系面。味道以素菜汉堡来说好好味。意大利饭 $128菇仲多过饭，采用左5种菇，全部都好新鲜，翠玉瓜炒得恰到好处，不会太软。意大利饭亦都好有口感，不太软或硬。套餐包括的前菜有田园沙律或南瓜汤拣，沙律比起平时其他同类西餐或fusion餐厅有较特别沙律醋同有多啲唔同种类的蔬菜。南瓜汤就有点过甜，同差左啲盐。套餐饮品除左可以拣普通的咖啡或茶仲有latte，唔洗加钱。拉花好靓，咖啡质素好，好好饮。服务方面，觉得佢哋唔会主动offer 清水，胡椒粉，咖啡糖等，要问先知道客人有呢啲需要，但系服务有基本礼仪。环境方面，不错，尤其是坐半圆卡位可以望住户外环境很舒适。座位亦唔逼，唔会太听到隔离枱的声音。