Vie Won Won (已結業)

今日我同朋友去咗西环呢间餐厅午餐，真系有惊喜！餐厅门面装修好靓，有个花园仔，以为走田园风格。入内布置走复古风，有情调，楼底高，装修以古典风为主，几有心思，墙壁嘅挂画、餐桌、摆设同餐贝等都好靓，每个位置都系打卡位。楼上满座，我哋安排坐楼下。叫咗1个lunch set，套餐包括前菜，主菜和饮品。前菜：田园柚子沙律🥗真系好清新，好多柚子，而柚子嘅酸甜味同车厘茄新鲜蔬菜完美结合，非常开胃。主菜：红酒🍷牛尾意大利饭牛尾炖得好谂软，加埋浓郁的红酒香气同味道，配上椰菜花饭，好好味。另外，又叫了hojicha mochi bagel 配牛油果烟三文鱼同洋葱忌廉酱。Bagel口感外脆内烟靭，夹馅有麻糬，口感很丰富，同埋鲜美嘅三文鱼同牛油果真系好搭配！加埋洋葱忌廉酱，好正。每一口都带俾我无限享受，令我想再食多个。最后加$38试咗佢哋嘅原味巴斯克芝士🧀️蛋糕。蛋糕质地绵密，芝士味道香浓，完全系一个芝士控嘅梦幻。另外，我叫咗杯水果乌龙茶，好清新。食得好满意，又系倾偈好地方，下次会再嚟。