○de▽ 鯛白湯らーめん

营业中

休息中

最近某国际品牌在港岛区有宣传活动，所以特登过海睇。加上上一次嚟附近已经有留意到呢间拉面店，就趁今次试吓佢。下午1点半喺PMQ睇完壁画行落嚟，门口已经好多人排队。等咗一阵，店员拎个餐牌出嚟俾我哋睇。店员会先帮我哋落单同收钱。注意佢地只系收电子货币。餐厅座位唔多，大概得16个左右。所以繁忙时间真系要等耐少少。我同男友都系oder咗鲷白汤。入坐大概5分钟，面就上枱啦~鱼汤嘅香味令人流晒口水~舖头用咗天然真鲷、几种贝类同水熬制8小时而成。先试一啖汤，鱼味浓郁而不腥，唔算好咸，仲带有少少贝类嘅甜味。另外，碗边上附有柚子酱，客人可以按自己口味加落汤度。我加咗之后再试，个汤多咗柚子香味，变得清新咗~因为本人好钟意食鱼，食完面之后连个汤都饮晒~好味!拉面除咗个汤之外，面质都好重要。拉面软硬度适中，无碱水味~至于汤料方面，有鲷鱼肉碎、一块叉烧、两块笋片、葱丝、同洋葱粒。鲷鱼肉碎系有烧过嘅，所以好香~连汤一齐食，味道更丰富。叉烧系薄切，成块都系肉，唔系好肥𠮶种，我钟意。食到咁上下，日式炸鸡上枱啦~一碟有3大件炸鸡，配上咖喱香料粉。平时炸鸡主要都系男友钟意食，而对炸鸡无太大兴趣嘅我，通常都净系会食少少。但呢