Donkey & Sheep (已結業)

家人生日，上OpenRice见到这间Donkey＆Sheep，几得意，都几好评，就谂住试下新嘢。初初听到Donkey& Sheep 呢个名以为系cafe快餐之类，但其实格局都浪漫，系十三楼都有少少风景睇。餐厅设计主要为绿色，望落去又几舒服，感觉好organic。是日有set dinner，价钱又100－180不等包汤同饮品。我们同行五人，两个叫咗牛扒，两个叫咗烧鸡扒，仲有一个鸭胸。唔够两三分钟就上咗个汤挂住食唔记得影个汤 ，不过系普普通通嘅杂菜汤。两块牛扒都要五成熟。讲真牛扒似乎薄咗啲，越薄生熟程度就越难控制，不过牛扒食落都满意。鸭胸系是日厨师精选，都有少少期望。入面呈粉红色，外面少少脆，食落多汁又嫩，真系有惊喜！ 最后有烧鸡扒。鸡排嫩滑入味，都几满意。最后额外加咗个蛋糕+$20，size真系好细，五个人完全唔够分。每人大约$170，系铜锣湾真系好抵食，环境度坐得舒服，食物都算好食，下次经过试埋佢个Lunch。