麻甩爐海鮮雞煲私房菜 (銀座廣場)

营业中

休息中

前几日，朋友想打边炉食鸡煲。佢第一间谂到嘅就系呢间。当日天气超热，我亦有叫朋友不如食其他，三十几度打边炉实在不太吸引。最后喺佢坚持下都系落左去食。好彩食品环境服务质素都非常满意。第一时间，落到舖头一坐低，就会有职员过嚟介绍点样落嘢食。因为有三个，内容都唔一样。(海鲜餐，牛盛宴和烤鱼)当中海鲜餐和牛盛宴都是食鸡煲的。我地果断拣左海鲜餐。只要358海鲜和三文鱼任食，当中竟然包括鲍鱼。海鲜同刺身亦相当新鲜。海虾上到枱面，啲脚仲识郁。是非常不错。鸡煲方面，拣咗招牌麻甩鸡煲。当日坐嘅枱，可以望到厨房嘅窗口。见到职员落完单厨房就开始炒嘢。大概10分钟后鸡煲就落到枱面，肯定是即叫即炒的。楼面职员也有帮手炒鸡煲，服务非常好。(食过唔少鸡煲都系要自己计时自己炒，有时真系唔清楚几时食得）鸡煲味道咸甜适中。叫左小辣，惹味得来唔会辣道食唔到。非常适合香港人口味。薯仔同芫荽更是非常入味。仲可以无限加鸡。食完鸡煲嘅时候就转汤底打边炉。我地拣左冬瓜汤。果然冇拣错，汤底非常鲜甜。食海鲜一流。食完重口味嘅鸡煲，用冬瓜汤打边炉。成件事非常舒服。自助区和饮品，亦都非常足够。有啤酒任饮。自助区仲有一格系全部都系甜品同埋水果。