影片
更多
2021-12-27
535 浏览
早一个月已经预订左圣诞早鸟优惠，连加$540一个人，一开始订既时候系因为出面好多热门自助餐都已经full哂，见到佢圣诞正日收费都只系5百几所以就试试佢，当初都冇抱太期望，但食完之后，同朋友都觉得估唔到性价比都几高。1. 食物：沙律冷盘等种类都唔小，好多同价位什至比佢贵既自助餐 沙律都会做得好hea，放啲沙律菜系到就算，但佢有几款唔同既沙律简，特别有个南瓜沙律，个个都话好食。另外，自助餐要有既刺身、热荤都唔错，最特别系有热溶芝士，呢啲真系自助餐小见，我地都拎左几转，室外亦烧烤区，有烧牛扒、烧猪、烧牛舌芯、烧虾同大粒既带子，烧物真系做得唔错，好小自助餐会有牛舌芯，而且佢既牛扒完全可以拍得住外面既扒房，外皮烧得香脆，但依然可以保持到5成熟既质感。值得一题既系佢既粥，好多自助餐既粥都只会提供白粥，但呢间都有心思，当晚有龙虾带子粥，入面都几多虾肉同带子粒👍🏻，甜品方面，有个榴连布甸好好食入面住全部都系榴连容，但可惜只系出左一轮，其他既甜品就味道正常，可能因为当日系圣诞，棉花糖支棍都用左识发光既萤光棒去做装饰，所以吸引左好多小朋友去排队拎。2. 服务：无论执枱既姨姨定厨师态度都非常好，特别系外面烧
1. 食物：沙律冷盘等种类都唔小，好多同价位什至比佢贵既自助餐 沙律都会做得好hea，放啲沙律菜系到就算，但佢有几款唔同既沙律简，特别有个南瓜沙律，个个都话好食。另外，自助餐要有既刺身、热荤都唔错，最特别系有热溶芝士，呢啲真系自助餐小见，我地都拎左几转，室外亦烧烤区，有烧牛扒、烧猪、烧牛舌芯、烧虾同大粒既带子，烧物真系做得唔错，好小自助餐会有牛舌芯，而且佢既牛扒完全可以拍得住外面既扒房，外皮烧得香脆，但依然可以保持到5成熟既质感。值得一题既系佢既粥，好多自助餐既粥都只会提供白粥，但呢间都有心思，当晚有龙虾带子粥，入面都几多虾肉同带子粒👍🏻，甜品方面，有个榴连布甸好好食入面住全部都系榴连容，但可惜只系出左一轮，其他既甜品就味道正常，可能因为当日系圣诞，棉花糖支棍都用左识发光既萤光棒去做装饰，所以吸引左好多小朋友去排队拎。
2. 服务：无论执枱既姨姨定厨师态度都非常好，特别系外面烧烤区既哥哥，佢见到我地夹紧块扒就即刻话烧过块俾你啦呢块热啲。
总结，去之前无论系社交平台 定OpenRice 都见到话呢间自助餐麻麻地，冇咩食物选择，不过黎到之后就发觉，食物系贵精不贵多，好过某啲贵价自助餐好似好多野咁但每样都唔好食。餐厅亦冇将货就价，反而我地都觉得呢到既食物质素令我地觉得佢仲好多出面啲成千蚊既自助餐，所以食完系会想入黎再食多次。
张贴
