INFINITY IN THAI

营业中

休息中

深水埗美食五花八門，要搵間好食，好坐，好氣氛，有泰味既都唔容易。今晚同朋友行開，見到新開，即入去試試。有驚喜！值得一試！生蝦🍤必嗌之選，新鮮，大隻，嗌多2碟。香脆蝦餅🍘蝦餅金黃香脆，一口咬下去就係滿嘴嘅濃郁蝦味，爽口彈牙，配搭甜辣嘅醬一齊食，正。泰式鴛鴦豬手🍖滷水豬手採用泰國香料滷至入味，豬手炆得軟腍，豬皮滑嫩，配上辣汁，突顯肉香醇厚，而且沒有ー點肥膩嘅感覺。黃咖哩軟殼蟹🦀薄餅🫓黃咖喱微香辣味，軟殼蟹炸得酥脆，蘸咖哩伴薄餅一齊食滿足。泰式炒菜🥬青菜綠嫩，辣辣哋好開胃。