一粥麵 (已結業)

开左咁耐，终于有时间过嚟试吓，香港地食粥，我都谂住冇咩变化冇咩惊喜，原来都有人可以打破传统，将香港既生滚粥变成要加料再翻煲既粥，有晒法国高级餐厅现场烹调既体验。原本赶住返工既港猪心态，即刻得到人生既觉悟，决定慢慢欣赏厨师精彩既表演。唔知系唔系我食开粗野冇试过好野，我一直以为艇仔粥系有碎牛，点知呢间舖可以再一次打破传统，系冇左碎牛。而且其他既料又唔会放到密密麻麻，一路食粥可以一路玩寻宝，真系一次过满足食同玩既欲望。其实我一直都知，重口味系有损健康，但系就改唔到，呢间舖又帮我地行多步，全店不放鼓油，食粥食萝卜糕冇左鼓油，完全体验到食物既真味。望住水汪汪既希粥，从容不迫的配料，特然回想起香港既60年代，奋斗既年代，狮子山下每个香港人都为生活努力工作，心中既鬪志立即燃起，为左更好既生活，为左可以食一碗更完整既艇仔粥，我决定立即做返港猪赶去返工。入返主题：粥太希啦；虾又冇咩弹性，应该就唔系好新鲜；鱿鱼就唔错啦；猪皮都几好。食萝卜糕其实我都唔知自己食紧咩。店内冇鼓油，冇甜酱，冇辣酱，冇麻酱，所以千万唔好叫肠类食物。其实都几似医院d粥，如果刚出院都几建议试吓，不过冇病冇痛食完好快又会饿。