一粥麵 (已結業)

成日買早餐都唔知買咩好，今次試左呢間一粥麵，不過唔係買粥又唔係買麵🤣🤣今次試左吉烈豬扒，豬扒炸得唔炸，而且唔會好厚粉漿，食落仲有少少肉汁🤤🤤加錢仲有蕃落肉碎通粉，湯底有埋蕃茄粒😻😻

未食過一粥面既早餐，決定試試。叫左個肉碎蒸腸粉餐，加一杯熱飲，$25。同埋雞扒炒面烚蛋餐，加個碎腩通，$32.5。腸粉一碟$25，其實都幾貴。但炒面餐就幾抵，好多人叫。由落完單，惡夢就開始啦。腸粉餐係叫號碼既，但雞扒餐係要交飛。問題黎啦，排隊交飛條人龍，十幾個人，排排下腸粉餐可以拎得啦，但係點拎呢，行開又要再排過結果，一等，等左半個鐘，就係為左食個雞扒餐，等到個腸粉都凍晒。交飛果陣，話個雞扒要等，叫我食住隻烚蛋先，轉頭出黎拎。真係火都黎，🤬咁我個餐個炒面呢，冇雞扒都算，炒面都唔俾我，叫我齋食蛋。其實佢d炒面同烚蛋都整好晒，只係出餐既有問題，搞到一獲粥。加左個碎腩通，變左火腿通，同佢講，唔知點解又俾左個碎腩米，咩事呀！雖然佢個腸腸係幾好食，但係，我唔會再幫襯呢間架啦！食個早餐食到成肚火。。。仲要d位迫到，同後面既人背脊貼背脊。

秋意濃，終於到左秋天了講起秋冬天，都離不開打邊爐，煲仔飯，BBQ有日坐港鐵見到一粥麵的廣告，熱賣煲仔飯今日就黎一試，款式不多，只有兩款：臘腸滑雞仔飯，豉汁鳳瓜排骨煲仔飯，各$49，呢個價錢就食到煲仔飯，絕對可以一試跟飯+$3可以配一罐可口可樂製作需時，大概等十五分鐘。呢到有送餐服務，係收銀處落單後會被配給一個牌仔放在桌上就會有人送來賣相不錯，但飯稍微濕，不過真係有飯焦雞夠滑, 有埋條臘腸真係好送飯但鳳爪味道就差點

原本見有粥麵食，就好想試下。因為下午茶沒有煲仔飯，所以就係午市叫左。結果，煲仔飯無乜料。而且無得叫白飯，只可以係糯米飯，d糯米飯係'削'既，好難入口，完全唔好食。唯一賣點就係夠熱，同有蠟腸，同一條菜。然後等到下午茶，加3蚊有多隻雞翼，幾抵。但細蓉只有3隻雲呑。雲呑尚算不錯，幾好食，但個麵底完全唔得，好重「揀」水味，食落完全無口感，有d失望，而且加7蚊多個渣渣，得個甜字，無其他味。總結，中規中矩，可以再試其他野食。

如果假期沒有特別的活動，通常也會到屯門UA看電影. 這天看畢電影後，到了一粥麵吃下午茶. 燒汁雞扒刈包、豉油皇炒麵+ 熱檸水 ($27) 燒汁雞扒刈包 第一次食刈包，味道就如白饅頭一樣，不過刈包則相當鬆軟，可惜是凍的，否則一定好食得多. 內裡的雞扒不算大塊，用上照燒汁來調味，再加上香口花生碎，鹹香的味道是幾惹味的. 豉油皇炒麵 炒麵份量不多，而且只是暖暖的，不好吃. 熱檸水 純粹為解膩而選的. 即烤豬扒包、粟米瘦肉粥+ 熱咖啡 ($28) 家人則選了豬扒包，包面層灑上芝麻，內裡的豬扒還配上生菜絲，賣相都不錯. 以$28 的價位就可以吃到飽，都幾抵食. 下次我也要試試一粥麵的豬扒包餐呢! 屯門屯隆街3號屯門市廣場地下G070-G071號舖

最近屯門市廣場開了一粥麵分店，記得以前曾幫襯過別區的一粥麵，午市套餐都相當抵食的，所以這天遲了起床，就直接到那裡吃午餐好了. 只是$33就可享用一碗雲吞麵& 炸兩，另加$3 更可加配熱飲，依然抵食.雲吞麵估不到一碗雲吞麵內居然有5隻雲吞之多，雖然每隻size小巧，但內裡有爽口蝦肉&豬肉，味道也不錯! 配上彈牙麵條，以這價錢絕對收貨.炸兩也是熱辣辣的，不過油炸鬼很硬身，味道一般.熱檸茶味道正正常常，純粹為解膩.只是$36 的午餐，可以吃到飽飽，也沒特別要求了. 屯門屯隆街3號屯門市廣場地下G070-G071號舖

又有新食店進駐屯門市廣場，屬大家樂旗下的「一粥麵」。開業才不到一個月，人氣不算鼎盛，但每次路過都有不少食客，嚐新還是屯門人的首要大事吧！   這天老公想吃得清淡一點，便選了這家來試試。雖知道這家風評一般，但反正就是求快捷飽肚而已，就不要太挑剔了。新派粉麵快餐格局，桌椅之間空間不多，搭桌也是在所難免，反正食客們也不會久坐吧！自助點餐，門前有一列餐牌，選好了便到收銀處下單，再到出餐處取餐，說穿了就是大家樂的「中餐部」吧！餐牌除了粥品、粉麵外，也有中式小菜套餐選擇，選擇不算多，粥粉麵不過廿多元起跳，小菜套餐也不算貴，還不用加一，不過還是比大家樂貴上一點點。  想吃粥麵的老公選了鮮蝦雲吞牛筋腩河($39)，牛腩、雲吞水準一般，湯底味精不少。不過最大問題出自河粉，口感非常粗鞋，用料不佳。  而我對它的粥麵信心不大，因此選了怡香茄子煲套餐($53)。這套餐配白飯、例湯、中國茶，就價錢而言確是抵食。第一次聽到「怡香茄子煲」，老公說在內地這菜名並不少見。這沒有「漁香」的版本，沒了咸魚，取而代之的就是醃大頭菜、粉葛絲和肉碎，過咸之餘味精感重，煲仔菜用上大量味精實屬少見。茄子口感算嫩，只是並沒有很入味，吃

開左咁耐，終於有時間過嚟試吓，香港地食粥，我都諗住冇咩變化冇咩驚喜，原來都有人可以打破傳統，將香港既生滾粥變成要加料再翻煲既粥，有曬法國高級餐廳現場烹調既體驗。原本趕住返工既港豬心態，即刻得到人生既覺悟，決定慢慢欣賞廚師精彩既表演。唔知係唔係我食開粗野冇試過好野，我一直以為艇仔粥係有碎牛，點知呢間舖可以再一次打破傳統，係冇左碎牛。而且其他既料又唔會放到密密麻麻，一路食粥可以一路玩尋寶，真係一次過滿足食同玩既慾望。其實我一直都知，重口味係有損健康，但係就改唔到，呢間舖又幫我地行多步，全店不放鼓油，食粥食蘿蔔糕冇左鼓油，完全體驗到食物既真味。望住水汪汪既希粥，從容不迫的配料，特然回想起香港既60年代，奮鬥既年代，獅子山下每個香港人都為生活努力工作，心中既鬪志立即燃起，為左更好既生活，為左可以食一碗更完整既艇仔粥，我決定立即做返港豬趕去返工。入返主題：粥太希啦；蝦又冇咩彈性，應該就唔係好新鮮；魷魚就唔錯啦；豬皮都幾好。食蘿蔔糕其實我都唔知自己食緊咩。店內冇鼓油，冇甜醬，冇辣醬，冇麻醬，所以千萬唔好叫腸類食物。其實都幾似醫院d粥，如果剛出院都幾建議試吓，不過冇病冇痛食完好快又會餓。

今日午餐想食得清淡一點，所以特意來一粥麵幫襯!五香牛腩河粉套餐($36)好抵食，河粉大大碗外，蔥花炸兩的份量也足夠2人享用!五香牛腩味道濃，帶丁點兒的辣，牛肉也燜得腍身，而肉質不韌。。。可惜河粉的湯底只是清湯，有別於滷製的湯汁帶着香濃的香料味道，否則加上滷製的牛腩，會更好吃。蔥花炸兩腸味道一般，可能油炸鬼是一早準備，所以吃的時候已經不脆口了! 最特別係炸兩腸除了舖滿蔥花，及有豉油淋上伴碟外，也被麻油淋上。。。但個人認為麻油跟炸兩腸不太相襯!

公眾假期嘅屯門，邊到都多人架啦，仲要加上呢間野新開就當然人更多啦，好在搭到枱就唔使等。散叫咗個炸両，18個大洋一碟，個皮唔太厚，又唔會話太黏會痴住筷子夾唔起，加上蔥花係皮裡面一齊蒸，食落更香，而炸両就食落仍然脆口，唔錯唔錯。我就點咗呢個雲吞麵套餐，雲吞size都叫適中，咬開都見到有兩嚿細蝦肉，豬肉放得太多胡椒粉啦，一咬落去淨係食到胡椒味，個湯底就無乜味，啲麵一注注纏住變咗夾起成餅野，麵質唔爽又唔彈加多9蚊一個冰鎮奶茶，奶茶無咩茶味，奶須夠多但飲落唔夠滑，整體唔夠香濃。除咗個炸両等咗8分鐘左右有得食，另外點兩個餐都等咗成15分鐘先有，等都唔緊要，但嚟到啲野係唔夠熱呢個質素，真係好難有下次