三哥廚房擔擔麵菜飯專門店

营业中

休息中

寻晚屋企人介绍嚟呢间餐厅食饭，响外面睇，店舖好光猛，好新式，唔知以为系食西餐，一推门，侍应好热情问几位，然后就带位坐低后，就睇下食咩啦，都几多选择，最后决定叫牛展清汤面，酸辣汤云吞面，上海粗炒，花雕醉鸡，上汤津白，菜肉云吞第一到嘅系花雕醉鸡：落单时，我问侍应会唔会好大碟好多，因为我怕食唔晒，侍应话系例牌果啲咁上下，嚟到，都唔错，唔会话特别大或特别小，个肚有位食其他野，个花雕味好香，饮落有小小甜甜地，因为之前响第二度食，总会有阵苦味，呢度唔会，而且鸡好滑，连平时我男人一见到啲鸡有红色就唔会食嘅佢，佢竟然食完又食，食左几旧鸡😅😅不过如果鸡肉冇咁好应该会好啲🤗🤗之后就到我嘅牛展面：侍应一放低枱，就闻到好香，牛展好滑好弹牙，个汤底唔会好咸，味道岩岩好😄😄😄跟住就系酸辣汤云吞面：酸辣汤酸酸地好开胃，不过就唔辣，建议可以辣小小，刺激下个味蕾🤔🤔跟住系菜肉云吞，好香麻油味，最欣赏佢用唐生菜做伴菜，平时其他店舖会用小棠菜，好大旧好硬，呢度用唐生菜，易食又吸晒啲汤味，正！✌✌最后系个上海粗炒：食落都有小小甜甜地，而且唔会炒到好油👍👍中途侍应会好勤力收碟，呢样比个赞👍简单装潢，但比人感觉好亲切😗😗😗