Applegreen (已結業)

呢個商場新開一段時間都未幫襯過，今晚第一次來試吓，我哋一行四人，我哋三個大人及一個大肚婆！其中一位朋友幫襯過佢另外一間分店，我哋今日來試吓！餐廳位於扶手電梯旁邊，樓底比較高但係就人來人往！我哋係晚市第一台客！講返食嘢先，我哋叫咗一個二人餐，跟住另外散叫嘢食！有蟹肉牛油果沙律，薯格，Pizza，卡邦尼意粉，柚子蜜雞翼！薯格最好味，Pizza薄批好脆，雞翼加左柚子蜜冇咁熱氣！沙律有啲失色！嗰日食咗六百幾！我覺得抵食！