一葉台灣料理

营业中

休息中

今日放工约左上朋友屋企玩狗，上之前就落左去佢屋企楼下的这间台湾料理，估唔到餐厅的家常菜都几有惊喜。我地叫左炸花枝丸、蚵仔煎蛋、金沙嫩鱼块同两杯黑糖珍珠奶茶。个人觉得蚵仔煎蛋较普通，可能因为比较易整，味道上唔会好有惊喜，不过值得一赞蚵仔非常鲜甜。个人最欣赏的系金沙嫩鱼块，简单来讲系用咸蛋铺面、然后同鱼块一齐炸。基本上鱼肉系算嫩滑、而每啖亦有浓浓的咸蛋味。至于炸花枝丸味道上唔同餐厅都唔会有好大分别，所以都系好食的，值得一提的系个奶茶，有浓浓的黑糖味却唔会太甜，而且珍珠亦有好多。