日月堂

营业中

休息中

第一次食日月堂，我哋11:50去到见开咗门，店员话可以入去坐但12点先可以落单。嗌咗几样嘢食，1. Lunch set 盐酥鸡卤肉饭，连小食同冬瓜茶，我哋仲加配左花枝丸，花枝丸都系有盐酥鸡粉，卤肉饭有台湾嘅味道，而且卤肉都相对比其他嘅舖头多，半肥瘦真系好好味，盐酥鸡唔会炸到好干，唔够味可以自己加盐酥鸡粉，但我觉得唔加都OK够味，佢送个小食就实在普通啦，冬瓜茶就比较甜，下次可能加钱试吓其他。 2. 麻辣鸭血，味道OK，但食到最后啲花椒味变得有啲苦，有两条菜垫系底，所以望落去都几多3. 梅子地瓜条，呢个必食，非常好食，梅子粉我觉得可以再多啲，不过有樽梅子粉系枱，自己可以任加，热辣辣上枱，外脆内软4. 因为冬瓜茶太细杯嘅关系，我哋再嗌多杯珍珠奶茶，好大杯，平时饮开正常甜嘅我，因为惊好似冬瓜茶咁甜，所以今次嗌咗少甜，估唔到少甜都咁好饮比起哈豆，我就觉得日月堂好食好多！ 食到好饱但价钱唔贵，呢间可以再encore。