鐘路雞林辣炖雞湯元祖

营业中

休息中

佢个招牌系韩文，差啲揾唔到😂本身同朋友行入去见到得一枱客，已经心谂死啦星期日七点都无人，会唔会中伏，点知有惊喜㖞！我地两个人叫咗猪脚、三款煎饼同埋唔辣嘅炖鸡汤。猪脚就一般，我地觉得偏瘦同干，中意食肥少少。不过另外两样系几好食，煎饼煎到好脆，海鲜煎饼无乜海鲜不过啲葱味好香！炖鸡汤好多葱同蒜，好香，鸡好滑，仲有年糕同薯仔，细煲都好大份。我觉得成餐饭令我最满足系店员服务态度系非常好！又会主动问我地觉得啲食物岩唔岩食！好嘅服务态度真系可以升华到食客对餐饭嘅满足感。不过小小建议如果有免费泡菜前菜就更好（小小碟都好）佢有泡萝卜，不过个人中意食菜多啲